Nú tekur alvaran við...

eftir skemmtilega helgi, því hún Valla sæta í Sevilla og hennar "flatmates" komu hingað til Valencia yfir helgina og var tímanum eytt að mestu leyti flatmagandi á ströndinni enda kemur ekki annað til greina þegar veðurguðirnir leyfa sér að vera í góðu skapi :) Þess á milli kíktum við á djammið enda mikilvægt að sanna að Valencia sé ein mesta partýborgin á Spáni og já ég held það hafi bara tekist ágætlega upp! Fórum niður á höfn þar sem er allt umstangið í kringum Americas Cup og átti þar sér stað súrealískasta atvik helgarinnar og ég er ennþá að hlæja að því að einhver fékk þá snilldarhugmynd að fara í stólaleik (hver man ekki eftir því úr barnaafmælum hér í gamla daga) og þar sem við höfðum enga tónlist hóf hún Valla snillingur upp raust sína og tók nokkra slagara með Bubba...hahahaha höfum örugglega verið eins og einhverjir geðsjúklinar þarna en það var allavega gaman! :)
Svo gerðist það nú að síminn minn sem er búin að endast mér í meira en 3 ár, hann bara dó sisona! Hann var nú reyndar orðin svoldið bæklaður greyið, vantaði á hann 2 takka og ég var alltaf með mjóa hárspennu eða penna til að ýta á hann í staðinn fyrir takkana, svo það var alveg tími til komin að fá sér nýjan! Og ég fann líka þennan fína síma með bleikum tökkum, er hægt að biðja um eitthvað meira??!!!
En jæja það bíður mín hrúga af spænskum bókmenntum sem ég er að reyna koma mér til að lesa...
Setti inn myndir frá helginni sem þið getið skoðað!!!
Bæjó