Andalúsía!!!!!!!!!

Nú held ég að það sé komin tími á smá updeit en ástæðan fyrir því að þið hafið ekkert heyrt frá mér er er að ég er búin að vera ferðast um Andalúsíu en fyrir þá sem ekki vita er Andalúsía hérað á Suður Spáni. Upphaflega var nú ætlunin alltaf að fara til Madrid eins og ég var búin að nefna áður en vegna þess að við fundum enga gistingu þar þá breyttum við aðeins planinu, Madrid fær bara að bíða aðeins ;) Við forum 4 saman, ég, Lilja Hrönn, Kjersti (Hjalti) og Petra ítölsk vinkona hennar.Þar sem það er búið að vera frekar hráslagalegt hérna i Valencia bjuggumst við við kannski aðeins meira hita og smá sól í suðri og því var mest pakkað niður af léttum fötum og en sem betur fer var ég nú gáfuð að taka regnhlífina mína með því maður veit nú aldrei og jújú það rignidi nú bara meira og minna allan tímann og skítakuldi!
Við byrjuðum allavega á því að fara til Granada sem er alveg ótrulega skemmtilegur staður og mikil arabísk áhrif þar sem sjást til dæmis á mörgum húsunum. Ótrulega gaman að labba þar um og skoða í litlar arabískar búðir sem selja allaskonar smáhluti og svo fórum við í svona tehús þar sem við sátum i rökkri með kertaljós og arabískt gaul undir..alveg ótruleg spes og gaman! Daginn eftir tókum svo ég, Hjalti og Petra rútu til að skoða lítið fjallaþorp eða „pueblo blanco“ sem ég verð að viðurkenna að ég man ekki nafnið á en þar eru allavega bara svona lítil hvít hús þar sem er alveg týpiskt fyrir Andalúsíu. Svo ef maður er í stuði og með rétta útbúnaðinn er hægt að labba á milli fleiri svona þorpa en þar sem það var bæði rigning og ég ekki í bestu skónum (sem er nú ekkert nýtt!!)þá ákváðum við að sleppa því. Næst var svo ferðinni heitið til Córdoba sem er miklu minni en Granada og kannski aðeins meira svona túristapleis en þar er einmitt allt í svona arabískum stíl og ótrulega gaman að labba um pínulitlar þröngar göturnar. Skoðuðum til dæmis dómkirkjuna þar sem er blanda af moskvu og kristinni kirkju og er víst sú eina þannig í heiminum. Þar sem við vorum svo komin með nóg af rútu og lestarferðum í bili ákváðum við að stoppa 2 daga í Córdoba og meðal annars til að halda upp á afmælið hennar Lilju á föstudegunum þrettánda! Gerðust nú samt engir stórskandalar þann dag!
Síðasti áfangastaður ferðarinnar var svo Sevilla þar sem við hittum hana Völlu úr spænskunni sem var alveg ótrulega gaman og þar sem við Lilja vorum nú alveg kominmeð nóg af að túristast þá ákváðum við bara að taka því rólega of nutum þess að láta sólin skína á okkur, POR FIN!!!! Stoppið var nú allt of stutt því í gærkvöldi þurftum við að taka lestina baka til Valencia og í þetta skiptið gátum við nú loksins sofið eitthvað enda höfðum við rúm í klefunum okkar, sem var bara algjör lúxus miðað við fyrri ferðamáta!!!
Ég er allavega alveg að fýla Suður-Spán , ágætis tilbreyting að komast úr borginni og fara í rólegheitin, fólkið er líka svo ótrulega afslappað og opið og svo er spænskan þar líka svo flott...ætla fara æfa mig að tala með Andalúsíuhreim og sleppa öllum s-hljóðum!! :D
En jæja best að fara skella inn öllum mydnunum og reyna klára þess a æðislegu skemmtilegu rigerð mína um indjánaorð í spænskri tungu!!!!!
!Adiós!